（註：香港01的互聯網內容主任 Specialist, digital content之前的名字為「網站編輯Web Editor」，工作內容沒有更改，而且模式亦與之前一模一樣；這職位有份兩種--- 校對以及普通，這一篇針對校對，普通的請看這篇文章）：
（P.S. 網上資料庫資料,有以下文字： 上司十分之自我中心，會威脅在行業裡唱衰同事，甚至是阻止下屬獲得其他offer ，以減少流失率 ）
HK01 又開Post 請網站編輯/高級網站編輯 (內容品質管理) Web Editor，究竟呢個Post又做咩的呢？同上回講到香港01 網站編輯/高級網站編輯 (Web Editor/Growth) 又有什麼分別呢？
此職位並非「社交媒體編輯」 （Social Media Editor）。
上次講到網站編輯/高級網站編輯 Web Editor，做既野好機械，而且都好無為，咁呢個又係咩黎嫁？
基本上呢個位係傳統紙媒嘅「校對」，只係改左個名做「內容品質管理」，主要負責捉錯字。好好地請「校對」咪請「校對」囖？
你留意下呢個位啲JobsDB用字，真係十分之取巧！
1. 審校《香港01》發佈的精選文章，確保用字準確、文句通順、邏輯無誤，提升內容質素
2. 管理全網文章的Tag體系，令文章的的展示、集結更有邏輯
3. 參與管理《香港01》facebook專頁，協調不同部門、梳理文章發佈順序定期製作報告，回顧文章紕漏，讓同事檢討並提升寫作技巧
4. 深入了解、應用《香港01》網站、社交媒體及手機應用程式等傳播平台，為UX、版面設計、互動元素等提供意見， 增強用戶體驗
5. 與讀者緊密交流，提升活躍度及黏合度
好，Pt.1 同Pt.2 都叫做校對既工作範疇，但Pt. 3就真係出事！咩叫「參與管理facebook 專頁」呢？個工作流程是咁的：
網站編輯同埋各位上司共同集結喺同一個Whatsapp Group度，定時定候各上司會在個Group 度Send 條Link出黎，兼出Post時間，等你放落個時間表excel入面，等佢地唔好撞時間，並且定時定候喺Facebook度撳制出Post，就是這樣了。
點揀文章、點解揀呢篇、Sorry，你無權干涉呢！而且Facebook 帖子亦預先由各部門寫好了，你連僅餘普通網站編輯(Web Editor)僅有的發揮空間都無呢！咁就叫「參與管理《香港01》facebook專頁」了。你真係以為你管理緊個55萬人專頁？想太多！
至於Pt.4 呢？HR同大家講「深入了解」、「應用」、「提供意見」係全句重點，姐係等於無講過，基本上呢，任何人都可以用01個App、網站，並且「了解」、「應用」、「提供意見」。
Pt.5 呢？佢指緊可能有時一日一兩個Facebook post上面回應下讀者，咁就係「提升活躍度及黏合度」嫁啦！
呢個位仲話歡迎請畢業生添，但都係果一句，畢業生應該搵返啲學到野既工，做呢個位只係浪費時間。
人工：01 Fresh Grad 公價 15k 無Bonus 無雙糧 有經驗再加。
Comments