話說我其實是在一間網媒入面做HR的，所以先知道咁多公司既內幕野。
離職原因真係千奇百怪，今次講下記者(Reporter)既食屎地方。
首先你要預備隨時有突發事情發生，首先，想放工真係要配合天時地利人和。
假如你想搵個人做訪問，係上頭（叫採訪主任 Assignment Editor）落既Order，咁如果未搵到人？你就死了，慢慢等啦，或者諗諗計可以點樣唔洗搵人又寫到想要既角度啦，唔係唔洗放工！記住，你係唔可以作文的。
而且有時事情有自己嘅進展，你跟開件事如果有更新？唔好諗住放工住呀，搞掂埋先好走。
第二，如果你覺得記者可以自己問問題，在記者會上進展所長？咁你都錯啦，而家好多Assignment都有遙距直播，基本上上面可以用遙控即時同記者通訊，好熱血想用自己Angle 寫野？難啲哦。
第三個死證就係網站編輯好多時都會有機會伏咗你一鑊。你內文唔放相？放嘅相唔靚唔啱用？唔好以為可以走咗去。仲有佢地好多時直接搵你上司直接溝通，真係打錯粒字都比人講。當然，係上司睇完記者篇稿先比編輯睇既，名義上係上司嘅責任，但你錯咗咩你都一定會比人知。
第四樣野就係返工時間差，星期六日十號風球有機會要返工，返工時間難約人，呢個就唔多講啦。
不過中肯啲講，以上幾乎是所有傳媒嘅通病，唔關我做呢間嘅事。
Comments