（讀者投稿，本網不會審查內容真偽）
《做某媒體員工 真係慘過食屎》
最近有間媒體傳來裁員的消息，當時都幾轟動下。報道就話原因係公司蝕錢，所以要裁員，但事實係咪咁？都有人話唔關錢事囉，你唔係信下話？
呢個機構內部粒粒亂並不是新鮮事，事實上，呢間機構裁員既原因真係唔關錢事，而係權鬥。
呢間機構原本出名在撰寫弱勢社區長篇報道，但今次就因為裁員，而令到呢個佢地既「招牌」永久地從香港消失，現在剩下的就是那些在連登抄回來的低質熱話、風化案新聞，以及中間偏紅的評論，不知大家會否覺得有點可惜？
究竟發生何事？話說呢個機構既新聞部入面有個經理級既管理層為左自己同自己部門上位，真係無所不用其極：
對外：
1.用隱瞞及力阻的方式，阻止有能力既下屬調職至對家部門（下屬就會因為咁就無左個Ｏｆｆｅｒ了）
有啲員工好做得野，但就有佢自己既個人人生目標，可能係攝影、可能係拍野、可能係電玩，只不過咁啱佢呢一刻走左黎做新聞。咁呢間公司除左新聞之外仲有好多內容既，動漫、拍野、流行音樂咩都有，即使本身平時儲左好多作品，只係爭個機會同大家請人時間有所不同，咁就入左個次選既新聞部。
不過，呢一樣野就好似呢位經理係唔會明，佢係會覺得下屬只係佢既附屬品，恍惚唔會明白咩叫「人人際遇各有不同」。對面有個位員工恨做好耐？「我有權唔比你做！你唔中意你都要知！」。辭職調去其他部門？唔好意思，佢會用自己既權力^，強壓對方唔好告知個下屬想請佢。你個Offer就會係因為入左呢個次選部門就會無左嫁啦！
2. 將對家部門既內容編排喺啲夜晚非黃金時間度出
對內：
3. 下屬在個人臉書中分享對家的內容，會惹來他的閒言閒語。
有時好欣賞某部門製作既內容，咁員工咪Ｓｈａｒｅ下比下Ｌｉｋｅ囉？但部門的線眼無處不在，「Big Brother Is Watching You」？第二日，即刻聽到佢同佢老細講，「呀邊個邊個幫人Share內容wor」，係呀，呢個部門真係好似《1984》咁連你私人生活都干涉埋一份。
4. 會威脅在行業內唱衰他們
正所謂，斷人米路猶如殺人父母，不過呢個部門內好似好鍾意用呢樣野黎恐嚇人。如果員工有任何一句怨言，咪用自己既年份黎噠你囉！「知唔知我可以令佢以後唔洗做！」，下屬好多時都只可以啞忍。
5. 有參與公民社會的，會被他威脅向大陸告密，「知唔知我可以令佢返唔到大陸！」
呢個其實同上面第四點差唔多，如果佢知道你有做下啲義工、同泛民或者相關團體有少少關係，唔好意思喇，呢一樣野佢亦都可以揸住你春袋。
或者我會相信，有時員工會選擇擦下鞋迎合老細都係好平常既事，但我相信如果上司事事都將權力掛在口邊，用威脅以及威嚇既方式去對待自己既下屬，呢個新聞部門內部運作真係令大家心寒。
每年Journal/文史哲都有好多既畢業生考慮從事傳媒業，我相信當中亦有好多會對香港社會有少少關心既。而做新聞有好多檔可以做，無謂真係要去一個圓形監獄式監察、鍾情於風化案追PV但對香港既好處係負數既一檔度做的。
啲人話呢間好Pay，但咪又係入職果一刻多少少，之後咪又係幾%幾%咁加上去！你有任何一檔既新聞經驗轉做ＰＲ/Content Marketing即刻跑贏曬啦！何別要做呢一間呢？
今次講部門對外，但呢個部門入面啲關係都好複雜，下次再講。
^呢個經理掌握向老細匯報點擊率、撰寫報告的權力
Comments